拜仁U17索女錄新歌撐哥帥

索女靚聲撐哥帥！哥迪奧拿密鑼緊鼓為今夏接掌拜仁做準備，班高層見呢位未來教頭咁落力當然識做，派出拜仁U17女子隊（圖）擔任應援團，錄製新版本會歌幫佢打氣，呢班囡囡個個嫩口兼索爆正式係人靚聲甜，哥帥肯定動力爆棚啦！

返國出席座談會遇舊老細

拜仁U17囡囡今次錄製新版本會歌，除咗獻出靚聲之外，仲會喺MV大騷索樣，加埋著名樂隊Einshoch6伴奏，視覺同聽覺效果一樣咁正。至於呢首名為《Never Offside》嘅新會歌，將會喺3月30日拜仁U17鬥圖爾賓嘅比賽正式出街，唔知目前埋頭苦幹為拜仁籌備組軍嘅哥迪奧拿，到時會唔會現身捧場呢﹖

早前哥迪奧拿忙裏偷閒，返西班牙出席加泰羅尼亞獨立座談會時巧遇前巴塞會長拉波塔，但係哥帥同舊老細打聲招呼之後就分開咗坐，未上任已經當正自己係「拜人」咁識避嫌，抵哥帥撈得咁掂！