拜林變髮勁騎呢

今季仍未為新東家76人上陣的拜林（Andrew Bynum），繼去年打保齡球令膝部傷勢惡化之後，昨晨又再大派笑蛋，以一個「辮子蓬鬆兩溝Look」亮相成為笑柄，樣衰程度「爆晒燈」！

戴歷羅斯進行對抗訓練

冬菇頭、辮子頭、爆炸頭「乜都玩過」，拜林昨日受訪時再施「髮」術，以一邊辮子、一邊蓬鬆Look受訪：「我嘅膝部仲有啲痛，相信仲要抖多一至兩個禮拜先可以復操。」鑑於拜林的新Look太惹笑，美媒特別為這位76人中鋒整合一張「變髮全紀錄」，讓球迷重溫一系列「騎呢」髮型。

另一位「病壞」戴歷羅斯（Derrick Rose）則有好消息帶給Fans，據《ESPN》報道，該位公牛Icon昨日進行了5鬥5對抗訓練，有望於今季傷愈復出。之不過「牛魔王」所屬的公牛昨日打落毫無霸氣，造訪弱旅黃蜂只贏96:87，明早回師主場硬撼有「三巨頭」壓陣的熱火，受讓2.5分都信唔過，捧上盤。（now635台周五早上9:00直播）