米高佐敦密謀出山?

50歲「波神」再戰籃壇？據米高佐敦（Michael Jordan）御用訓練師高華（Tim Grover）爆料，「波神」最近頻頻做Gym之餘，更依足營養餐單進食勁減13磅，並以球員時代的218磅體重為目標，如此刻苦皆因想第3度出山，真定假呀？

搵御用訓練師勤做Gym

米高佐敦於95及01年復出前，都由高華負責操起狀態，這位殿堂級訓練大師昨日向《ESPN》放料，已經為該位山貓班主制訂了一套訓練程式，只要收到米高佐敦電話就會即刻開工。山貓新秀基爾基士堤（Michael Kidd-Gilchrist）更表示，上個月與「波神」單挑落敗，睇好老闆就算一把年紀，重返NBA亦一樣夠揪。

「波神」今日50歲「牛一」，昨日就於休斯敦一間美術博物館開P慶祝，一班籃壇巨星包括高比拜仁及安東尼（Carmelo Anthony）等都有攜眷出席，認真畀面！