香港馬術大師賽 鄭文傑 梁巧羚為港披甲

繼京奧馬術賽後，香港於2月28日至3月2日再舉辦獲授予CSI5*（5星級）資格嘅國際馬術障礙賽－「浪琴錶香港馬術大師賽」，香港派鄭文傑（Kenneth）同梁巧羚出戰，與倫奧金牌得主BEN MAHER同現任世界冠軍Christian Ahlmann等25位好手，競逐100萬美元獎金！

Kenneth近年長留比利時訓練，佢尋日出席活動後即趕返歐洲，參加荷蘭舉行嘅2星級比賽同稍後喺德國舉行嘅3星賽。呢位24歲騎手話：「我希望每場比賽都可以入到前10，月初我會返香港，但用邊匹馬參賽就未知。」賽事門票由150元至450元，即日於cityline發售。