細威拗柴嚇餐死

「細威」「拗柴」照派蛋，問你服未？今屆澳網女單頂頭大熱S威廉絲，昨日亮相虛驚一場，一度扭傷以為就此玩完，誰料稍經療傷後憑「恐怖」表現向對手狠派12隻光蛋，闖入女單64強。至於42歲日本老將伊達公子則爆出兩天以來最大冷門，以直落6:2、6:0掃走12號種子俄羅斯的比杜娃，事隔17年後再於澳網贏波。

「細威」在首盤第5局一次跑動中救球，不慎扭傷右腳，當場跌倒，表情痛苦，就連觀眾席上的「威媽」也緊張起來，但經過醫生診治後，S威廉絲回到球場速戰速決，並以6:0、6:0血洗羅馬尼亞的姬露維絲。這位3號種子賽後坦言扭傷一刻的感覺是：「唔係啩，唔好再嚟多一次！我即刻諗想起布里斯班賽嘅情景，當時好驚，只希望傷勢唔好太嚴重。」去年她曾於布里斯班熱身賽中扭傷足踝，隨後在澳網16強倒灶出局。「細威」補充謂：「除非情況非常嚴重，否則我唔會退賽，我仲在生，我嘅心仲識跳，完全冇問題。」

伊達公子時隔17年再贏波

另邊廂世界排名100的伊達公子，爆冷淘汰比杜娃成為澳網最年長獲勝球手，賽後笑說自己年齡比當今一些媽媽球員還要大，但因為喜歡網球，就算輸波一樣開心，她更透露「不老秘訣」：「多吃多睡多喝水，我嘅生活好簡單，就係咁樣。」

吳迪力戰落敗首圈出局

男單方面，首位出戰大滿貫男單正賽的中國球手吳迪，跟克羅地亞杜治激戰4盤，可惜仍以5:7、6:4、3:6、3:6敗走墨爾本。英國「天才」梅萊及瑞士「球王」費達拿均以直落3盤淘汰對手，躋身次圈。澳網今日進行第3天賽事，中國「金花」李娜及鄭潔再度登場，其中後者與9號種子澳洲施杜素碰頭，極受考驗。（now671台周三早上8:00起直播）