山西男籃外援馬古斯威廉士吸毒斷正，佢上個月9號被反興奮劑組織驗出曾服食大麻，中國籃協尋晚宣布判罰山西男籃1萬人民幣，兼罰威廉士停賽6個月，意味呢位前馬刺後衞可以提早收咧，佢亦成為CBA史上首位因服食大麻而被停賽嘅球員。另方面，籃協尋日亦公布咗CBA明星賽首周得票結果，廣東球星易建聯暫以超過14萬票力壓麥基迪（約13.6萬票）成為票王。