尼古恩唔願走想留港1年

德國體操「萬人迷」尼古恩原來跟香港體操「王子」石偉雄相識已久，「石仔」表示之前出外比賽已經常相約對方四圍觀光，今次難得好朋友來港，當然要一盡地主之誼，前晚就帶尼古恩上山頂睇夜景，之後又一齊到蘭桂坊。尼古恩不止大開眼界，更笑說想留港1年，好好體驗「東方之珠」的繁華生活。

今出席親子班簽名會

儘管尼古恩今次來港行程排得密密麻麻，昨晚到尖沙咀出席倒數活動，今日又會到奧海城參加親子班和到屯門出席簽名會，但百忙中仍抽時間跟石偉雄聚舊。「石仔」表示：「我們晚上到了山頂看夜景，他大讚景色非常美麗。」之後齊齊到蘭桂坊「摸酒杯底」，不過因為尼古恩暴露了行蹤，吸引大批人圍觀，「石仔」笑說要「拿拿聲拉走佢」，避免引起混亂。

其實「石仔」最想帶尼古恩返屋企食飯，奈何時間緊迫未能成事，惟有等這位德國「靚仔」下次來港再完成「心願」，招呼如此殷勤，難怪識做的尼古恩表示臨別前會送份禮物給他。