據英國《每日郵報》爆料，倫奧前同「飛人」保特閃電拍拖嘅英國模特兒Megan Edwards，聖誕節前向保特提出分手。由於英國同牙買加相距7,400公里，「異地戀」正係呢段感情嘅主要死因，就算早前Megan飛去牙買加見保特家人都無補於事，所以返英後就提出分手。雖然保特曾嘗試游說Megan回心轉意，但都無功而回。雖然要孤伶伶過聖誕，但樂觀嘅保特尋日喺twitter仍擺出招牌Pose，祝一眾粉絲過快樂聖誕。