湖人4連敗 拿殊阿堤斯不和?

高比拜仁好波又好心,下月17日將聯同另一半雲妮莎參加當地一個慈善步行活動,為露宿者籌款。據《洛杉磯時報》透露,已經連續第2年參賽的「小飛俠」,計劃由洛杉磯Exposition公園徒步走到市區,活動由去年舉辦至今已吸引超過2.8萬人參加,並籌得220萬美元善款,預期今次活動將令更多露宿者受惠。

參加慈善步行為露宿者籌款

決定與雲妮莎以旗下基金名義參賽的「高比仔」表示:「好多無家可歸嘅人都染上毒癮,我哋唔單止要為佢哋提供遮風擋雨嘅住所咁簡單,最重要係進一步了解佢哋,幫佢哋解決問題。」場外為慈善出錢出力,場內繼續有貨交,高比拜仁昨日貢獻全場最高的31分,證明自己寶刀未老,奈何湖人最終仍於主場以80:114不敵爵士,季前賽4戰全敗。

大敗已令主帥米克布朗頭痛,更濕滯乃新加盟的控衞拿殊疑與「麻煩友」阿堤斯爆不和!事緣拿殊於首節曾要求重新組織攻勢,但持球的阿堤斯卻耍手擰頭請拿殊食檸檬,隊友間嚴重缺乏溝通及信任,新季前景難免令人擔心。

至於昨日副選出擊仍以97:96力克塞爾特人的籃網,明早回師主場料有迪倫威廉士等主將復出,再鬥「綠軍」必定有好戲睇。(now678台周五早上8:00直播)

高比拜仁(左)尋日喪入31分都打救唔到湖人。(美聯社圖片)