保特、比力克跑道鬥到板球場？倫奧3金「飛人」保特日前表明想玩板球，搭路去墨爾本明星隊參戰澳洲板球聯賽，點知澳洲《每日郵訊報》爆料，另一牙買加短跑巨星比力克亦有望進軍澳職，悉尼六人總監奇勒證實：「比力克係偉大運動員，我聽聞佢板球技術高超，佢可以成為球隊嘅王牌收購，得到比力克加盟仲有助球隊開發新市場！」若果牙買加兩大飛人喺板球場對壘，肯定成為體壇熱話！