鮑維：「我仲係處男」
奧運村古怪事無奇不有，早前有運動員大爆奧運村「性派對」盛行。言猶在耳，兩大牙買加田徑天王保特同鮑維日前出席記者會時，被問到有關奧運村內15萬個安全套迅速派清光一事，保特面露尷尬稱未找到對象「用唔着」，鮑維更語不驚人誓不休，一句「我仲係處男」笑爆全場！
保特冇對象用唔着
當兩人出席記者會時，一名女記者提問：「倫敦奧運村內15萬個安全套是否被極速掃光？」保特同鮑維似被考起，最初只是在傻笑，之後保特表示不知道奧運村有提供安全套，同時表示：「我們的行程好趕，連識朋友都沒有時間，如何找對象呢？安全套用不着了！」
保特回應完後即眼尾「睄」住鮑維，想不到笑到肚攣的鮑維更「爆」，簡單回應一句：「我沒有用過，因為我仍是處男！」全場400多名記者都笑破肚皮，這對牙買加孖寶將來可以考慮做「棟篤笑」！