柏堤亞誓破「杜克魔咒」做雙料冠軍

杜克大學堪稱NBA球星搖籃，奈何在「K教練」克爾澤維斯基過去22年來的領導下，僅得費利1位畢業生能奪得總冠軍。熱火柏堤亞堅信人定勝天，誓破「杜克魔咒」力爭NCAA、NBA雙料冠軍！

對於「杜克魔咒」，柏堤亞「死唔信邪」：「大把人都未攞過總冠軍，唔通因為我揸住杜克畢業證書，就意味我過去10年嘅NBA生涯係白費咩？」柏堤亞當年之所以入讀杜克，皆因自細就視格蘭希爾為偶像，該名太陽老將曾兩奪NCAA錦標，但就從未奪得NBA總冠軍。

保殊冇得帶囡囡睇倫奧

現役球員當中僅得咸美頓、泰利及哥利比華曾成就NCAA、NBA雙料冠軍，柏堤亞當然想步上述3人後塵：「如果能夠做一啲格蘭希爾都做唔到嘅事，對我嚟講係一種成就！」NBA總決賽Game3今早開戰（高清翡翠台、明珠台、now635台、廣東體育及中央5台周一早上8:00直播），賽前熱火前鋒保殊收到壞消息，其前女友艾莉森因擔心恐襲，拒絕讓保殊攜同3歲女兒前往觀看倫奧。