Micha同「細佬」孖鋪
Micha雖然細細隻，但被陳敬然叫做「大仔」的牠，在家中地位絕對不低。通屋走之餘，Micha每晚睡覺都與陳靖「孖鋪」，近日接受眼部手術的Micha更令「阿英」與太太坐立不安，難怪「阿英」笑稱Micha地位比自己更高。
在聖經故事裏解作先知的Micha，體形細小但胃口卻非常大，「阿英」笑稱Micha雖然僅得6、7磅，但絕對不偏食；而且在家更像人一樣，每晚上床與我們一起睡：「依家佢最鍾意瞓喺陳靖旁邊，因為貪佢夠肥嘟嘟，唔使蓋被都夠暖，但陳靖有時瞓着會用『天殘腳』踢Micha，我都畀佢嚇親。」
「阿英」的滑浪風帆興趣未有影響Micha，他笑說Micha既怕水又怕嘈，所以不喜歡陳靖喊；Micha一直被主人錫到燶，早前牠做小手術就嚇怕「阿英」：「佢眼睛附近生咗個大瘡，好彩係良性，不過太太同我擔心到飯都食唔落。」
「阿英」閒時會與囝囝一起放狗。