老翻J-Lin波衫大陸即日「上市」

經歷連續4仗貢獻至少「20+7」數據後，美國球迷紛紛以Insanity（瘋狂）來形容林書豪的大爆發演出，香港討論區網民亦冠以「林瘋」綽號！這位美籍華裔控衞亦火速成為電視轉播商新寵，收取蔗渣波糧卻衍生無限商錢，「Linsanity效應」一發不可收拾！

貴為近期NBA最炙手可熱球星，林書豪不但為列強帶來麻煩，更令球衣贊助商及零售商忙到裙拉褲甩！事關截至昨日為止，「J-Lin」的紐約人球衣仍未正式發售，即使球會官網標明要在本月20號才有貨，連日來都有不少Fans專程到紐約第5街專賣店碰運氣。

紐約人急印200件止癮

為滿足球迷需要，會方特別加班印製林書豪的17號球衣，並於昨日鬥湖人前在麥迪遜公園廣場開售，不過全數只有200件，每件盛惠59.95美元（約464港元）。正版球衣供不應求，就連老翻版本亦極之渴市，即使並非正貨，但國內購物網站亦罕有提供預訂服務，售價約120人民幣（約147港元），證明林書豪魅力沒法擋！

隨着林書豪上位，來自亞洲的電視轉播商已陸續計劃播放紐約人的賽事，本月對速龍、帝王、黃蜂、籃網及鷹隊的比賽均會於內地直播，另據紐約人官網表示，自從「J-Lin」擔正之後，首兩戰的收視率均超過球隊之前的賽事。

小牛明夏留定資金搶人

年薪僅約76萬美元（約589萬港元）的林書豪，如今已成為紐約人的搖錢樹，兩間舊會勇士、火箭的總經理列利及莫雷均大嘆走寶，衞冕隊伍小牛總經理尼爾遜更暗示想羅致「J-Lin」：「兩年前喺夏季聯賽已經睇中林書豪，但嗰時我哋揀咗巴利亞，會唔會簽林書豪？明年夏天小牛薪金空間好充足！」