魔術負綠軍侯活無癮嗌走
魔術於大年初二慘敗給塞爾特人31分，創下多項肉酸數據後，昨日又再「攞架嚟丟」，在領先27分的大好形勢恥辱性反敗，主場以83:91再次向「綠軍」俯首稱臣，難怪杜域侯活打到心淡，暗批魔術冇前途，希望過檔塞爾特人爭冠。
公開想過塞爾特人
經歷完教訓都未識驚，魔術昨仗又再被塞爾特人落面，就算戰至第2節一度領先對手27分，但下半場僅攻入25分，面對缺少雷阿倫及朗度的「綠軍」完全無計可施，最終反敗83:91收場，激到教練雲根迪紮紮跳。
全場貢獻16分及16個籃板的杜域侯活，眼見球隊死氣沉沉，昨日接受《波士頓先驅報》訪問時暗批魔術冇前途，並向「綠軍」送秋波：「有啲球隊打常規賽好醒，但去到季後賽就冇晒貨，我一直都考慮緊湖人同塞爾特人呢兩間偉大球會，佢哋啲球員唔會因為個人數據而戰，永遠係抱住團結精神爭勝，『綠軍』就係好例子，我就係想加盟呢類為冠軍而戰嘅球隊！」
杜域侯活（中）連輸兩鑊畀綠軍，難怪佢心都淡埋。（美聯社圖片）