姚明退役前喺NBA撈得咁掂，全靠講得一口流利英語。10年前姚明因為要參加世界大學生運動會，得到上海外國語大學頒發榮譽學生證書，當時佢講笑話，報到用咗1日，拎畢業證書又1日，總共兩日就大學畢業。
不過後來佢自爆，02年初到美國發展時英文水平好差，但為咗同教練、隊友溝通就畀心機學英文，依家仲做埋上海體育職業學院、上海交通大學嘅學生，英語冇得頂。