拍禁毒廣告 畀風扇吹足兩粒鐘
ELKE今年4月出道，現時主力參與模特兒同廣告工作，早前佢就憑住清純性格及健康形象，接咗個禁毒平面廣告，正能量爆棚。
訊息健康幾辛苦都冇計
「一提起我，好多人就會諗起呢個禁毒廣告。因為之前冇乜拍廣告硬照經驗嘛，所以當日拍攝嗰陣都好多趣事。因為主題係禁毒，所以我初時都擺個正經樣出嚟，但後尾就畀人話好呆，所以最後我都要微笑。仲有，嗰日我本身搽咗黑色指甲油，可能太野性啦，最後都畀人改咗做粉紅色。」
咁有乜辛酸史？「有呀，拍嗰陣因為要營造飄逸嘅感覺，我畀把大風扇吹咗兩粒鐘呀！不過出嚟嘅效果好好，我都好鍾意。而且呢個廣告咁正面，能夠幫手宣揚禁毒訊息，冇所謂啦！」
ELKE文鬥都一樣咁掂。