「狐仙上身」又驚又搞笑

出道短短時間，ELKE憑住清純外形得到唔少工作機會，參與過好多唔同拍攝或者演出活動，除咗禁毒平面廣告，ELKE對邊次拍攝工作嘅印象最深刻呢？佢好鬼馬咁話：「狐仙上身呀！」

「有次我上電視台拍個關於靈界嘅特輯，法師幫我請隻狐仙上身，當時請到後我就渾身發熱，真係幾得人驚！」咁之後點送佢走？「冇呀，佢可能一路都仲喺我身體入面o架！」

講真，呢啲嘢信則有不信則無，只係ELKE又話驚、又要笑，嗰個甜笑威力分分鐘已經鎮得住「狐仙」，如果佢笑住去踢波，就算唔識推右走左，一樣都幾難有男仔唔暈浪嘜到佢。