老竇教「甩牌」增進父子情

情繫中國的林立信，多年前已表明要學中文，不過他在歐洲難覓廣東話導師，惟有向老竇學國粹「甩麻雀」學習中文。可惜訪問當日，Patrick甩到手軟，最後甩到「白板」依然只識叫：「Square！」

想學廣東話白板叫Square

Patrick自小懂得打麻雀，林爸爸笑稱Patrick「無師自通」：「打麻雀無人教佢，細個見我和他家姐打得多，有空位就自動頂上，自然就識得打，但佢從來都唔賭錢。」

林爸爸自稱是甩牌高手，訪問當日更表演「甩牌」技術：「紅中！嗱！都話o架啦！」Patrick亦有樣學樣，由爸爸親授絕技，不過東南西北未認清，甩白板亦只能以「Square（正方形）」形容，但兩父子卻玩到搭晒膊頭，笑到拆天。兩父子平日以德文溝通，Patrick表示很想用廣東話與爸爸交談，惟歐洲鮮有廣東話教師：「我一直很想學廣東話，但在歐洲通常只有普通話老師，我希望爸爸可教我，但他總是很忙。」

面對囝囝目前只識講「林、立、信」三隻中文字，林爸爸亦相當睇得開：「拜神教佢都識，其實佢學嘢好快，細個於歐洲學游水一晚就學識，只是歐洲的水好似硫化溫泉，學識後嘔了一整晚，哈哈！」林爸爸既傳統又開通，從前結婚時要到祠堂「拜堂成親」，但因身在外國最終找替身代替，難怪Patrick笑稱：「My dad is always funny！（我爸爸時刻都很有趣）」