既然係體壇分子，又係足球Fans，江卓儀一場嚟到，小記梗係要搵佢攞吓料，問吓佢嚟緊周中嘅歐國盃有乜好心水先？
周中惡戰連場，Sonia最有信心係丹麥對葡萄牙場H組榜首大戰，Sonia話呢場波關係到邊隊出線，C朗同拿尼都鬼咁弗，重要關頭肯定會嚟料，佢睇好葡萄牙作客照贏喎！至於另一場係法國對波斯尼亞，佢話對波斯尼亞隊波唔太熟悉，不過重組後嘅法國表現唔錯，可以秤先。
小記都覺得Sonia講得頭頭是道，不如大家上on.cc睇吓佢有冇資格踩過界做埋足球評述員啦！