武鬥過關，文鬥成績又如何？陳嘉桓話睇咗波只有1年多，但對足球都有一定認識，10條問題就答啱咗6題半，攞到65分，合格有餘！
Rose話舊年世盃喺朋友感染下開始睇波，由於有朋友嚟自德國，所以一齊支持德國隊。球會入面，佢最鍾意係巴塞同曼聯，難怪呢兩隊嘅問題都難唔到佢啦！最驚喜嘅係，原來Rose都有留意香港足球o架喎，知道傑志係上季甲組聯賽冠軍，大家下次入場睇本地波嘅時候，要留意吓見唔見到Rose喇！
