羅斯仔旋風襲廣州

NBA宣布停擺後，一眾球星趁空檔爭相訪華搵「人仔」，去季NBA常規賽MVP戴歷羅斯昨日抵達羊城，準備今午到廣州體育館，出席包括adidas籃球夏季訓練營決賽等活動，還會與香港歌手兼籃球愛好者周柏豪同場較技。

任籃球夏季訓練營評判

戴歷羅斯今夏忙個不停，早前飛到菲律賓打明星賽，又到西班牙出席活動，於皇家馬德里巴拿貝主場參觀。戴歷羅斯今次「中國行」身負重任，除為其品牌公司宣傳新產品外，今午亦會到廣州體育館與當地年輕球員互動。

戴歷羅斯今午會先教籃球夏季訓練營球員一些籃球技巧，之後會聯同周柏豪，與其他學員進行3 on 3比賽。當然還有戲肉adidas籃球夏季訓練營決賽，羅斯仔會擔任評判，由這位NBA MVP選出決賽MVP。

本地甲一籃球員、効力永倫的方誠義（阿GA）及飛鷹的梁民熊（BEAR）專程上廣州見偶像，兩人帶齊羅斯收藏品，希望找他簽名及合照。阿GA指香港與他高度相若的球員多數速度慢，想感受下羅斯仔的速度，至於BEAR就希望羅斯仔能趁封館期間訪港與球迷見面。