心急弟子有Heart踢波

對於糖妹呢位「得意弟子」，山度士有相當高嘅評價：「糖妹的確有足球細胞，我喺呢一個鐘頭特訓入面教咗佢三個動作。第一個係掃把腳，雖然最初佢嘅力量控制得唔好，但經過訓練之後就掌握到；第二係教佢用腳面踢波，即使係比較難啲，普遍嚟講佢都做得幾好；最後一個係教佢點盤球，我擺咗雪糕筒畀佢扭，最初係比較心急，太大力踢個波而失控，但去到尾段時就掌握到點控制。」總括嚟講，「山Sir」認為糖妹性格比較心急，想學晒所有動作，不過亦睇得出佢係真心想學踢足球，絕對唔係「玩玩吓」！

糖妹（右）踢得兩腳，獲山度士大讚。