德國半隊Model打得又睇得
德國隊有睇頭！這支「靚女之師」昨日登場時被司儀以「半隊波都係模特兒」介紹。現場所見，一班美女果然樣貌甜美，身形又高又瘦，連自由人都高人一等，達到1米79。穿上新贊助商的紅色波衫，配以德國國旗顏色護膝，格外可人。
隊長科絲特翻版Lisa S.
就以「後備殺手」阿皮芝為例，24歲的她打波之外，更曾在銀行打工，又做過兼職Model，瓣數多多。近幾年才回歸國家隊的她，笑說隊中確實有不少「打得又睇得」的美女，但當然一切以「排球行先」。不過，堪稱「德國Lisa S.」的隊長科絲特雖有全隊最高1米92的身高，卻對做Model毫無興趣：「好像由南韓到這裏都有人討論這話題，我個人則希望專注打波，但若是為慈善或推廣排球，就可考慮一下吧！」
講「索女」，美國一樣有！後備上陣的嘉拿絲曾拍性感泳衣照，她表示雖被媽媽讚「夠索」，但自己非專業模特兒，只要能令更多人留意排球這運動就夠。