高比拜仁「準新東家」曝光！本報日前報道過「小飛俠」同一支CBA球隊達成協議，呢支神秘球隊嘅真面目終被揭開，山西中宇董事長王興江尋日證實，高比拜仁已經答應為該隊効力，人工、待遇等問題都達成共識，就連歸隊日期都已確定─10月1日！「小飛俠」將會喺當日披起山西中宇隊嘅球衣練習，球會已經喺接待、保安方面作出安排。
不過正如本報之前所講，中國籃協醞釀中嘅「嚴禁外援嚟CBA打短工」嘅新例，成為高比拜仁登陸中國嘅最大隱憂，可唔可以完成呢單中國籃球史上最轟動嘅引援仲係未知之數。