倫敦市中心名店林立，亦有好多為遊客而設嘅精品店，專賣啲「I LOVE LONDON」圖案嘅商品，但銷量最多嘅始終係老翻波衫！以小記多日嚟嘅觀察所見，人氣最勁嘅係朗尼、美斯、法比加斯同費托，幾乎間間舖頭都掛呢4位球星嘅波衫喺門口，每件盛惠15鎊（約191港元），比起喺Lillywhites買嘅正版特價朗尼波衫仲要貴成3鎊，認真離譜！
