寧滬交流團大開眼界

第14屆世界游泳錦標賽剛於上海完美落幕，除了首次在中國舉行是今屆賣點之外，另一噱頭就是「寧滬運動交流團」的學生運動員亦有份「參加」！上月中30名獲「屈臣氏集團學生運動員獎」的精英就拉隊睇韻律泳賽事，令這班香港明日之星率先體驗世界大賽氣氛，為日後踏上世界舞台作好準備！徐慧華南京及上海直擊

由芸芸828名「屈臣氏集團學生運動獎」中挑選出來的30位精英，上月17日至21日獲屈臣氏集團邀請出席「寧滬運動交流團」，5天內走訪南京及上海的名勝古蹟，同時亦探訪兩地體育訓練基地「偷師」，不過交流團「主菜」就是觀看首次在上海舉行的世界游泳錦標賽！

世界賽門票難求，但屈臣氏集團亦千方百計為同學安排入場，一班學生運動員可以到世界級賽事大開眼界固然興奮，甫入到上海東方體育中心，便被全場震耳欲聾的打氣聲，以及韻律泳比賽播放的音樂所吸引。

為中國韻律泳隊打氣

當日交流團觀看被譽為韻律泳中最精彩的集體自由項目，由於該項目由10名運動員上場，既有單人、雙人，亦有集體動作，故即使不懂韻律泳的同學亦被人疊人組成的各種花式吸引，睇得相當投入。主隊中國隊出場時更掀起全晚高潮，同學們隨即大叫：「中國隊加油！」以多項高難度動作參賽的國家隊亦不負所望，於決賽中以96.39分僅負俄羅斯，奪得一面銀牌。

能夠見證國家隊奪牌，又能於世界大賽觀摩世界級運動員的專業表現，交流團各運動員都笑稱，今屆世界賽確實令他們大開眼界！

Day1

．出發前，團友都聆聽領隊蘇若禹講解行程。

．團友離港前細心睇團刊。

．飛機延誤，當日下午2時先到南京。

．行程首站為南京大屠殺遇難同胞紀念館，團員細心閱讀館內歷史資料。

．在南京大屠殺遇難同胞紀念館了解歷史後，各團員都感慨良多，更表示「讀萬卷書不如行萬里路」。

．每次上旅遊巴，學生、校長都會唱歌娛賓，氣氛一流。

．第一次品嘗南京美食，各同學都流晒口水！

Day2

．上中山陵的路又斜又高，但有運動底子的學生，跑上去都無難度。

．行完大斜路上到中山陵，個個都興奮到爭住影相。

．於中山陵上巧遇南京農業大學生物系學生宣傳2014年南京青奧，一班運動員當然簽名支持！

．上中山陵當日天氣好差，但有得去旅行，學生心情就大靚。

．到訪仙林體育訓練基地，大家都話要學中國女排精神。

．睇埋省隊籃球訓練，同學們見到「入樽男」簡直大開眼界。

．乒乓球代表落場同省隊切磋球技。

．學埋武術強身健體，個個踢腳都有姿勢！

．在方山體育訓練基地學射擊，都難唔到一班學生運動員。

．落大雨參觀總統府都有另一番感受。

Day3

．去到上海自然要上東方明珠電視塔，但265米高兼透明玻璃地板，同學踩上去腳都震埋。

．下午到世博中國館，雖然事隔一年，但中國館展示的文化都令學生有不少得着。

．上海夏天接近攝氏35度，個個去到王府井爭住買扇抖涼。

．上海夜景絕對比得上維港，晚上坐船欣賞黃浦江外灘夜景別有一番感受。

．每晚返到酒店，一班學生都會開會分享感受，絕無偷懶。

Day4

．一早起床，即出發到香港特區上海經貿辦事處拜訪。

．可以去世界游泳錦標賽見識當然開心，門票更是必儲紀念品。

．見到中國隊出場，個個都好識做，歡呼吶喊拍爛手掌！

．場內有贊助商派益力多，最受同學歡迎。

．晚上聯歡晚宴時，臨別在即，眾學員均不捨流淚。

Day5

．早上參觀東方綠州訓練基地，面積大得要睇模型先睇得晒。

．東方綠州訓練基地內的游泳中心專設地下室，讓教練了解運動員轉身動作，認真專業。

．基地內的體能中心設備完善。

．體操運動員張歷生於基地內即興示範兩招，有姿勢有實際。

．能於上海排球隊訓練館內打友誼賽，機會難得一遇。

．最後一站於青少年活動中心內參觀軍事設備，令學生大開眼界。

．在青少年活動中心試坐海陸兩用的坦克車，個個大呼「過癮」。

．5日學到盡玩到盡，係時候講句「下年再見喇」！