祖高域信邪沖涼有講究
祖高域與拿度近年橫掃網球壇，兼且在今屆溫網決賽碰頭，原來背後各有「迷信力量」撐腰，平日形象貪玩的「扮嘢祖」，一直堅守自己的規條，每次大賽期間，永遠不會用更衣室內的同一個沖涼格。至於拿度則更加「婆仔格」，每次飲完水要擺正水樽角度至安樂打波。
拿度似患強迫症
球場上「乜都夠膽死」的祖高域，唯獨是沖涼規條絕對不能更改：「外人看來，或者有點無厘頭，但我們很多球手都有自己的習慣，比如我在比賽期間，不會用更衣室內的同一個沖涼格。」很多人知道拿度習慣開波前撥頭髮及扯褲，但其實「野獸」有騎呢得多的勝利規條。
外國傳媒大爆，拿度對調整水樽方向異常執着，每次飲完水，總要將貼上招紙的一面調到相同方向，否則無法集中精神比賽，情況嚴重得有如強迫症病人。查實網壇新貴梅萊、名宿阿加斯及其他球星都有雷打不動的比賽習慣，一旦無法執行就會覺得「有啲嘢唔妥」，影響比賽表現。