紋身 穿環 乜都齊 惡女惹唔過！

每項運動都有自己文化，Roller Derby亦唔例外，為配合佢野蠻「瘋」格，班Rollergirls除靠嗰身漁網絲襪加多對3個骨長襪扮Sexy，仲要用誇張嘅化妝，染到七彩嘅頭髮，愈多愈好嘅紋身同脷環、臍環呢類Punk味十足嘅裝扮，去凸顯「唔好惹我」嘅形象。

至於超激漫畫公仔亦係Roller Derby最大特色，每隊Roller Team都起碼設計一個野蠻公子做自己招牌，好多時搞比賽就會用啲漫畫做宣傳Poster，「Sharp醒」又新鮮，吸引好多人注意，就連班攝影發燒友都經常踩場，影低參賽者狂野一面，然後攞去參賽。

出埋Lego抵死過癮

Roller Derby深入民心，除「滾上」荷里活外，TV真人騷、歌舞劇都用佢做主題，亦畀到樂壇Rock'n Roll music唔少創作靈感，「大姐大」麥當娜就曾喺自己MTV入面用班Rollergirls做舞伴，美國兩大「性感野貓」Britney Spears同Christina Aguilera，都常以Roller Derby打扮出騷。

唔止咁，Roller Derby仲可以拎上手、攞嚟玩！由50年代起，出過無數電影劇本、小說同漫畫書，但講到抵死過癮，就點都唔及嗰Set Roller Derby Lego喇，買嚟擺喺屋企不知幾Yeah！

Roller Derby點玩法

人數：每隊5個

比賽時限：2分鐘•場地：橢圓形跑道

位置 人數 職責 企位 點識別

Pivot 1 防守 最後嗰排 頭盔有直條圖案

Blocker 3 助攻助守 分兩行企喺第2、3條線 淨色頭盔

Jammer 1 進攻 Blockers之後20呎 頭盔有粒大星圖案

裁判吹雞，兩邊Pivot及Blocker夾埋嗰8個人就逆時針方向，群埋一堆齊齊「滾」，唔畀玩突圍，班Blocker沿途就要出盡法寶，撞、扯、拉、剷乜都齊，阻住對方Jammer「攝」位，又要幫自己Jammer開路，等佢「標」去前面，過埋Pivot呢道最後防衞網。喺Jammer第一次過晒班人牆後，戲肉先至開始，兩個攻擊手要用極速鬥快「滾」多次埋個Pack度，每過一個Blocker攞1分，最快過埋對方嘅Pivot就贏喇！