馬利安手指拗出唔肯抖
NBA爆恐怖受傷潮！小牛主將馬利安及公牛的泰查吉遜，近日被揭發嚴重受傷，當中馬利安的左手指更幾乎呈45度向外屈曲，不過此子仍繼續征戰沙場，實在令人佩服。
泰查吉遜腳傷腫過豬蹄
小牛主將馬利安射波姿勢一向「騎呢」，動作近乎「推波」，原來背後另有原因。美國傳媒近日揭發馬利安的左手尾指幾乎呈45度向外屈曲，據馬利安透露，其恐怖舊患早在9-10歲時已形成，惟因未覺疼痛，加上經常甩臼再甩臼，所以一直未有理會，亦沒有想過「拗直」。事實上，受傷患困擾的馬利安近況反而大勇，對上10場每場平均更取得15分。
公牛的泰查吉遜則於早前對溜馬時腳趾公受傷，賽後即使「腫過豬蹄」仍堅拒做手術，只由原本穿15號半鞋改穿18號，以騰出更多空間讓腳趾公痊愈，在NBA這個夢想戰場打得一日就一日。值得一提的是，在14個月前左膝韌帶嚴重撕裂的公鹿射手米高列特，昨日終於復出。
泰查吉遜（左）腳趾公「腫過豬蹄」，但仍堅持帶傷上陣。（美聯社圖片）
