占士韋迪撐拿度

拿度魅力沒法擋,周不時都有好多名人、藝人專程捧佢場,尋日兩位熱火球星勒邦占士同韋迪就一盡地主之誼入場撐「野獸」。「閃電俠」帶埋兩個囝囝入場,大仔Zaire仲幫手擲毫添!咁多人撐,拿度亦不負眾望,以兩盤6:4砌低日本天才球手錦織圭,躋身邁阿密大師賽32強。但「瑞士天王」費達拿仲威,喺次圈拍走史彭力,職業巡迴賽累積762場勝仗,追平名宿森柏斯嘅成就。