3分王占士鍾斯幫熱火復仇

本被視為雷阿倫與皮雅斯二龍爭珠的3分賽，最終卻成為「大茄」占士鍾斯的表演舞台！這位熱火二線兵昨於決賽階段以20分奠勝，爆冷力壓塞爾特人孖寶成為「3分王」，總算為今季被「綠軍」剋死的熱火爭口氣！

史堤芬居里贏技術挑戰賽

一眾頂級3分射手昨日齊齊失準，上季「得分王」杜蘭特只得到6分，錄得3分賽史上第2低分紀錄，加上騎士射手吉遜得7分，2人聯同本季常規賽射入最多3分球的杜利胡禮齊齊於首圈執包袱。

衞冕的皮雅斯憑12分僥倖躋身決賽階段，奈何與「綠軍」隊友雷阿倫均未能為On Fire的占士鍾斯帶來威脅，最終該名熱火球員以20分榮膺「3分王」殊榮。熱火今季3遇塞爾特人全敗，今次占士鍾斯一口氣擊退「綠軍」兩老奪標，賽後即獲韋迪於Twitter激讚：「今季係咁畀塞爾特人食住，家陣JJ（占士鍾斯）終於幫熱火威番鋪！」另外，勇士控衞史堤芬居里力壓韋斯布克勇奪技術挑戰賽錦標，賀福特則率領阿特蘭大代表隊贏出混合投籃賽。