碧基里奧Twitter鬥嘴

澳網打到如火如荼，西班牙後衞碧基及英格蘭球星里奧費迪南亦加入戰團，在Twitter展開一場鬥嘴戰！兩大星級守將均支持自己國家球手，一個撐費利亞、一個撐梅萊，就連剛於女單4強出局的禾絲妮雅琪，亦湊熱鬧參與討論。

碧基睇完男單準決賽後話：「wow！費達拿畀祖高域橫掃！照道理決賽應該係費達拿對梅萊，但我更睇好費利亞，加油！」

里奧費迪南：「碧基，準備定去接你朋友機喇，梅萊一定會搞掂費利亞。」

碧基：「費迪南，梅萊冇可能贏到費利亞……幫梅萊買定返蘇格蘭嘅機票喇！」

里奧費迪南：「哈哈，梅萊會玩死你朋友，就好似我當年喺卡寧頓（曼聯訓練基地）對你咁。」

碧基：「哈哈哈哈！諗都唔好諗！」

禾絲妮雅琪突然出現湊熱鬧話：「我覺得決賽會係梅萊對祖高域，祖高域將會係冠軍。」

碧基：「我唔信！你應該要撐我！哈哈！」

禾絲妮雅琪：「哈哈！我都認同費利亞喺贏拿度場波打得好好，儘管睇吓邊個入決賽喇。」

碧基：「我都睇咗你同李娜嗰場……你都幾唔好彩……嗰場真係場硬仗。」

禾絲妮雅琪：「係囉，真係場硬仗:( 我返歐洲順便睇你場比賽吖:) 會事先聯絡你，哈！」