傅家俊唔使滯留自認Luck爆

近期歐洲大風雪，航機停飛又延誤，不少港人及留學生都被迫滯留英國，無家可歸，就連傅家俊（Marco）亦曾「打定輸數」，做好要在倫敦孤獨過節的心理準備，沒料這個「愛家大男孩」獲幸運之神眷顧，最後一刻順利登機，如期返港與家人、女友團聚，難怪他高呼今個聖誕難忘又有Luck！

預咗留英諗定訴苦字句

即使憂心多天兼舟車勞頓，惟傅家俊回港後翌日接受訪問時仍精神奕奕，他回想起「險留英倫」坦言抹一把汗：「我最初想訂18號機票，不過全部Full爆，所以改訂21號回程機位，誰知就是原定18、19起飛的航班悉數取消，都算『錯有錯着』了！其實，20號倫敦那邊依然落雪，自己都擔心第二朝可否飛回來，隨時聖誕過後才能離英；我甚至諗定一些『煽情字句』寫上微博同朋友、Fans訴苦呢！哈哈哈……好彩，最終都Confirm到機位，我真的好幸運，要感恩啊！」

逃過滯留一劫的Marco笑說「返得切嚟」已是最佳X'Mas禮物，聖誕節目就算只是睇戲、食飯都好滿足。「在英、港兩地歡度X'Mas，各有各特色，一樣開心；論天氣、氣氛，英國『更加聖誕』，至於香港就成街人、夠熱鬧！」不過傅家俊強調，回港有親人、朋友伴在身邊，始終是一大樂事！