陳敬然有仔萬事足唔去威

「風之子」有仔萬事足！連續兩屆亞運奪金的「阿英」陳敬然，一向予人「大細路」感覺，但估不到年僅28歲的他是「三大天王」當中，最早成家立室兼「添丁」一人！

唔怕冇自由一家行街

由去年聖誕開始，「阿英」亦已向其「獨自去偷歡」的生活說Bye-bye，今年更加入「湊仔公」行列，進入人生另一個階段：「以前聖誕一條友就鍾意同班Friend去威，今年多了BB之後就變晒囉，會帶『阿仔』去主題公園玩、返教會、同埋一家人去行商場，Warm好多！」陳敬然愛兒陳靖（Jacob）已經一歲有多，還開始學行路及叫「爸爸」，氹得「阿英」非常開心，即使聖誕期間「失去自由」亦「抵番晒」！

由以往的「風帆型男」變成現時的「湊仔公」，陳敬然坦言囝囝改變其人生不少：「現時甚麼事都會將Jacob放在第一位，有任何自己細個時做不到的，都好想囝囝可以擁有；就如過白色聖誕，我28年來都好想試，但都無機會，但明年我會『的起心肝』，全家去旅行滑雪過聖誕！」談及今年X'Mas願望，「阿英」表示只想囝囝快高長大，「廿四孝爸爸」當之無愧！