希堅斯今復出緊張似睇牙
希堅斯今復出緊張似睇牙
因為涉嫌打假波被罰停賽6個月嘅桌壇「巫師」希堅斯，今晚會喺德國哈姆舉行嘅歐洲球員巡迴錦標賽第5站賽事正式復出，响香港時間夜晚8點出戰世界排名66位嘅佐治亞。呢位蘇格蘭球星對於自己今次爭議性回歸，聲言感覺就好似睇牙醫一樣：「時間愈近就愈緊張！」希堅斯話呢半年來嘅日子相當難過，連佢囝囝返學都畀同學指指點點，老父嘅癌症病情亦不斷惡化，可幸係佢哋一家夠團結，囝囝了解事件後仲話要代希堅斯出頭「打壞人」，父親病情喺審判結果公布後亦受到控制，希堅斯希望今次復出會有好成績報答家人支持。