騎士讓得起綠軍

之前因足踝受傷連續缺席湖人5場比賽嘅高比拜仁，尋日終於喺作客灰熊時復出。本來灰熊喺完場前2分59秒仲領先湖人95:90，不過高比仔喺最後時刻大發神威連攞9分，喺完場前4.3秒，更射入3分波反勝。對於再一次喺最後時刻絕殺，全場射入32分嘅高比話：「每一次絕殺都好似第一次咁興奮。」

高比仔之後更得戚表示，只有荷里活嘅電影，先可以媲美佢戲劇性嘅絕殺。今場攞到22分同13個籃板嘅加素亦大讚高比：「我諗喺地球上冇人比高比做到更令人驚訝嘅嘢。」灰熊教練賀連斯亦投降：「偉大球員做偉大嘅事，我哋今日又交學費，真係好傷。」

放大圖片	放大圖片	放大圖片

除咗湖人之外，騎士同塞爾特人兩支奪標熱門球隊尋日都順利贏波。聽日佢哋將會合演東岸大戰，「綠軍」主將皮雅斯受傷唔出得，實力始終差咁啲，騎士讓2分上盤博得過！