現年35歲嘅甘比今季喺快艇鹹魚翻生，平均每場有12.1個籃板，暫時排聯盟第二。日前佢隨隊作客拓荒者，喺波特蘭同一班隊友食晚飯嗰陣，突然收到電話，被告知將轉投拓荒者。原來快艇一早同拓荒者達成協議，用甘比交換對方嘅布力克、歐羅同一筆現金。消息指甘比收到電話後立即走人，佢身邊友人爆料，指甘比對呢單交易好不滿，因為佢好愛快艇，好愛洛杉磯，一直想喺嚟緊暑假同球會續約。

食食吓飯收轉會通知

快艇內部亦對球會用隊中最佳防守球員交換後備得分後衞同現金極之不滿，最慘仲冇機會同甘比講拜拜，快艇目前士氣可謂跌至新低，聽日主場對鷹隊，試問仲邊有心機打波呀？鷹隊讓5分，上盤抵博呀！