主場出擊嘅公牛，尋日一開波係威係勢，第1節完領先38:19，到第3節更加一度拋離79:44，不過餘下時間，公牛明顯太自滿，放軟晒手腳，結果造就帝王上演絕地反擊，喺20分鐘50秒內狂取39分，當中新人泰拉基伊雲斯表現出色，全場獨取23分，喺完場前更一口氣連攞9分，稱得上係絕地反擊嘅頭號功臣。呢場奇迹反勝，亦成為爵士喺96年11月27日落後36分下反勝金塊後，NBA最大反勝分差場次。

經歷呢場偉大嘅勝仗，相信帝王一班球員，無論信心同士氣都有提升，聽日返番主場對騎士，絕對有力乘勝追擊，受讓3.5分下盤博得過！