本文重點
帶病上陣、踩到吐血，「格仔」張敬煒成就「真的漢子」！該位06年亞運金牌得主今年一直受到氣管問題困擾，賽前亦感不適，原本教練沈金康不準備派他上陣，但「格仔」堅持為港付出一分力，在比賽期間即使出現扯蝦，亦堅持完成全程比賽，衝過終點時，更吐出血絲，但他看見隊友包辦「三色獎牌」，聲言「踩到嘔血」都值得。
氣管過敏「扯晒蝦」
張敬煒曾奪多哈亞運記分賽金牌，可惜近一年氣管過敏，對比賽造成很大影響。不過香港作為今屆東亞運東道主，他內心極之希望在主場揚威，再為香港添金。「我踩了7、8個圈已經好唔舒服，好似人哋哮喘『扯晒蝦』，但係我同自己講，一定要頂住，幫班隊友做掩護，好彩佢哋（隊友）贏晒金、銀、銅牌，大家努力都冇白費，我『嘔血』都冇所謂啦！」「格仔」賽後已將身體不適情況告知教練，稍後會接受檢查，確保安全和健康。