太陽戰術一字記之曰快，上季老將奧尼爾雖然實力超群，但由於未能跟上節奏，始終難以融入球隊，但對於格蘭希爾而言，要跟得上一眾小將及老隊友拿殊的節奏，卻從來不成問題。格蘭希爾透露了他的飲食秘訣：「只要休息充足，飲食健康就乜都得啦！我唔食加工食物，只會食有機穀粒同玄米，紅肉或者牛奶同雞蛋都唔使預我，最緊要係，我只會飲水。」

食得健康，活得自在，格蘭希爾要成為籃球場上的「馬甸尼」，睇怕都是指日可待。