澳門大賽車嘅賽道叫「東望洋賽道」，全長6.2公里，最闊部分係文華東方彎，有14米，最窄部分則係髮夾彎，只得7米。最快圈速由艾斯馬喺2007年嘅三級方程式戰車造出，只係需要2分11秒744。至於東望洋大賽嘅紀錄則係由蘇柏喺1997年所創嘅2分29秒536。講完賽道講吓旗號。澳門賽車係採用全球通用嘅標準旗號，各樣嘅旗都有唔同意思，睇完包你變賽車專家！

藍旗

「有一位車手準備超越你」，向落後超越者一圈或以上車手發出，車手必須讓路，否則需受加時懲罰。此旗號不適用於電單車賽。

黃旗

賽道有危險，安全車出動，車手唔准超越對手，需要減速，起步點有「SC」字告示牌。

白旗

表示有一輛速度較慢車輛行駛，可能係救護車或安全車，通常會配合黃旗旗號。

綠旗

黃旗已經無效，先前嘅危險和禁止超越指令已經結束。

黃紅間旗

警告車手路面濕滑，通常指賽道上有油漬或積水，又或賽道上有碎片。

黑旗加上號碼

召喚該賽車返維修站，或通知該賽車已取消資格，亦可用作向讓賽車「停車/開賽」懲罰。

黑旗一間有橙圓點

稱為「肉丸旗」，加上號碼，係警告該賽車有機械故障，必須回維修站。

黑白三角形旗

黑白旗加上號碼，表示該車手作出不君子行為，予以警告。

紅旗

賽事停止，原因可能出現意外，或有車手嚴重受傷，車手漠視紅旗會被取消資格。

黑白格旗

代表賽事完結。