16/11/2009

播放本新聞相關短片

考大學肥佬外流歐洲扎根

今時今日真寧斯闖出名堂,但又有幾多人知道呢位「超級新人」當日因為大學入學試「肥佬」錯失進軍NCAA機會,最後「被迫」外流歐洲搵食?但正正係歐洲體力化嘅比賽風格,令佢打穩基礎,能夠比其他人更早適應NBA。

早喺高中年代,真寧斯已經薄有名氣,但由於兩次考亞利桑那大學都失敗收場,令佢未能喺大學聯賽NCAA亮相。為咗繼續走「籃」色大道,佢喺上年加盟意大利嘅Lottomatica Roma,提早成為職業球員:「我本來諗住上大學轉戰NBA,真係無諗過到歐洲打波。」

喺歐洲搵食雖只係短短一季,但當中外流經歷令佢受用無窮:「其實歐洲比賽極之體力化,反而令我更早適應NBA嘅快速節奏。」即使現時每次上陣都可輕鬆射入20分或更多,原來司職控衞嘅佢始終不忘本分:「我唔期望自己搏命攞分,組織攻勢至係我嘅責任,最好每場交出15次助攻啦!」