用7場波時間名留史冊

真寧斯今仗頭7次起手只入1球，但隨後愈射愈好，下半場合共射入45分，全場攻入55分兼造出5次助攻，助公鹿殺敗勇士！勇士教練尼爾遜賽後驚嘆：「我教咗三十幾年波，佢係我見過表現最好嘅新人。」事實上，真寧斯今戰先打破「天勾」渣巴喺70年以51分創下嘅公鹿新秀最高得分紀錄，再以20歲零52日力壓占士嘅20歲零80日，成為NBA史上攻入50分或以上嘅最年輕球員，真係威到無人有！

唔講唔知，真寧斯每逢面對一級控衞表現都格外起勁，之前對有比立斯壓陣嘅金塊就獨取32分，今戰面對勇士嘅艾利斯更豪取55分，聽朝再鬥由另一星級控衞傑特帶領嘅小牛，隨時再嚟料，公鹿主場受讓2分可敲下盤！