私家「實Q」嫌疑最大

想當年米高佐敦嘅波衫風靡萬千球迷，喺佢退休後，好多都已經升價幾十倍，不過點升都肯定唔及馬刺後衞柏加嗰件值錢，事關佢嗰件有「波神」親筆簽名！可惜件波衫上個月喺屋企嘅gym房裝修期間不翼而飛。

大拿拿「波神」親筆簽名波衫，柏加更加要報警啦！經當地警方調查後，初步懷疑係柏加請返嚟嘅「實Q」卡路蘭做嘅，事關警方發現佢曾經喺網站拍賣米高佐敦親筆簽名嘅波衫，同時卡路蘭仲係積犯一名，目前已經因為另一宗偷竊案坐緊監。可惜件衫仲未搵得番，睇嚟已經賣走咗囉！