尼爾遜復出打23分鐘

艾斯頓喺効力火箭嗰陣已經出名口沒遮攔，無可否認佢季中轉會魔術後嘅出色表現，係球隊可以入到Final嘅重要因素，不過隨住魔術原本嘅正選控衞尼爾遜復出，艾斯頓嘅上陣時間就由原先33分鐘跌到上場嘅25分鐘，臭脾氣嘅艾斯頓即刻發爛渣：「我真係覺得好奇怪，有眼嘅人都應該睇到，身為正選竟然要喺成個第二節坐冷板，成場波我坐咗差唔多半個鐘，呢個就係我表現唔好嘅原因！」

抖咗四個月後嘅第一場波就打咗23分鐘，雲根迪亦好難唔畀人覺得偏心尼爾遜，好在尼爾遜仲識得以大局為重，出言安撫艾斯頓平息糾紛：「我復出只係想幫球隊，絕對唔係想搶正選，我覺得艾斯頓嘅表現絕對值得做正選。」

魔術有艾斯頓呢個計時炸彈，教練雲根迪嘅經驗同功力亦遠遠不及積遜，湖人喺聽日嘅Game2讓6.5分，都可以照捧上盤！