SUN焦點：濃味醬料 掩冰鮮豬雪味
新鮮豬肉價格不斷上升，部分人或考慮轉用冰鮮豬肉煮食，減省開支。惟有食家指，新鮮豬肉的味道遠比冰鮮豬肉好，難以被取代；如必須改用冰鮮肉或冷藏豬肉，則可考慮以較濃郁的醬汁調味，掩蓋雪藏味。
劉健威（資料圖片）
不少市民都會以新鮮豬肉煲湯。（資料圖片）
老饕：新鮮豬肉質較有彈性
「無論係口感定係味道，新鮮豬肉同冰鮮豬肉都有好明顯嘅分別。」食家劉健威指，新鮮豬肉的肉質較有彈性，口感較好，而且有濃郁的肉香味；相反，冰鮮豬肉口感較差，冷藏豬肉更帶有雪味，「如果係煲湯嘅話，用新鮮肉會鮮味好多，就算冰鮮肉煲幾耐，都唔會及得上。」
他指，如希望「食平啲」而選擇轉用冰鮮肉，烹調時亦可從調味着手，減輕雪藏味，「例如係蒸嘅話，可以考慮用較濃味嘅調味料，例如蝦醬、麵豉醬等，咁整出嚟陣雪味自然無咁明顯。」
