時裝設計師何國鉦近日受頸患困擾，需要戴頸箍。佢喺社交網放上早前出席活動時，都係頸箍不離身，由於佢刻意襯黑白衫，所以戴上白色頸箍，好友都講笑話頸箍竟然變咗潮物。何國鉦話：「之前一直頭痛，仲以為有乜嘢病，後來證實係頸椎骨移位，醫生要我戴六個星期頸箍，瞓覺都要戴住。」追問佢係乜嘢原因導致？佢話：「坐姿唔正確。」
何國鉦（左）
