由華潤集團調任中糧集團,再到今年初轉戰出任中化集團董事長寧高寧,周三再多一項新任務,代表中化集團出任遠東宏信主席兼非執行董事。呢項安排勾起資深股民對呢位「紅籌大班」嘅美好回憶。寧高寧八六年到○四年任職華潤集團期間,曾經帶領華潤啤酒(前為華潤創業)獲選「亞洲最佳管理企業」。○四年調任中糧集團後,佢先喺○七年帶領中糧控股喺香港上市,○九年又帶領中糧入主蒙牛。今年初佢突然調任中化董事長,外界一直關注中化系內公司有乜搞作,隨着寧高寧全面掌握中化實際運作,股民對佢嘅一舉一動自然分外敏感。

第一手消息請下載on.cc東網iPhone/iPad/Android/Windows Phone Apps