富商趙世曾嘅女兒GiGi趙式芝近年接手爹哋嘅生意，忙得不可開交，冇時得閒，難得今次藉着復活節假期，即同「老婆」Sean楊如芯飛去澳洲悉尼度假，過甜蜜二人世界，仲喺社交網站分享佢哋喜悅嘅心情。

趙式芝（右）同楊如芯去悉尼過二人世界。

趙式芝成個人趴喺公園嘅草地上曬日光浴。

GiGi同Sean好鍾愛悉尼大劇院，仲以唔同嘅角度同大劇院合照，其中一個pose係GiGi扮飛身奔向大劇院，認真搞鬼又好有趣。一向熱愛陽光嘅佢哋，見到當地陽光普照，GiGi更放下名媛淑女嘅身份，好似小朋友咁整個人趴喺公園嘅草地上享受陽光，曬日光浴！

第一手消息請下載on.cc東網iPhone/iPad/Android/Windows Phone Apps